nabasted

nga-a ginsakit mo balatyagon ko
nga-a gintapak mo ako sang husto
sala ko bala nga ako maghigugma
sala ko bala kay palangga ta ka

ambot man gani insa nagpatuga tuga
bal-an ko man nga "friends" lang kita
ginpilit ko man nga ini balewalaon
apang mapunggan ko bala ang baratyagon?

inday kong nabal-an mo lang
sang ginbasted mo ako daw gintuk-apan
daw ano man lang ang ginlampos ka baratiya
sobra pa sa akig kag pagyaguta

friends kon friends kon amon na ang gusto
pero sa nakita ko naglain don timo
nag-iba ka na gid wala na gapanapak
masakit pa batyagon kon ako gintuk-ap

intidiha man ako, akon nga pangabay
indi ko maluyag sa isa ka lin-ay
indi ko gusto nga ikaw pangaluyagan
bal-an ko sa umpisa, ako imo lang abyan

kung bal-an mo lang kon ano ang nabatyag
ang ginhimo ko gusto ko nga ilubag
kon tani wala na lang ako nangaluyag
ako kaino-ino nga ako naghinangag

trato mo sa akon karon sobra pa sa baboy
siling sang iban ako makalolooy
paminsaron mo gid nga akon maintindihan
anhon ta abi ikaw ang naluyagan

dugangan pa gid nga ikaw may iba na
daw ginkumos dughan ko kon kamo makita
ang dughan daw ginliswahan kang ininit
indi ka magpati pero sobra kasakit

sa pagpanumdum dughan ko gapilin-ot
sa pag-isahanon gahibi nagasinghot
maayo pa nga gintago ko na lang
anhon ko kon paano mabalik ang tanan

palangga ta ka bisan sa nahimo mo
ginaako ko daw binuang kag ginago
ako wala gapamilit indi magbag-o
asta sa ulihi ikaw gid ang damgo

wala ko napangita ang ulikdan
wala ko gapangayo nga imo kaluuyan
tama na sa akon nga ikaw matamdan
sa ikalipay mo pilit ta ka nga kalimtan

i wrote this when i was high school then..